Protestë
Nis protesta e SBASHK-ut, kërkojnë realizimin e kërkesave të tyre
Ka filluar protesta e organizuar nga Sindikata e Bashkuar e Arsimit dhe Shkencës (SBASHK) me rastin e 1 Majit – Ditës së Punëtorëve.
Marshi i protestuesve ka nisur nga Biblioteka Kombëtare, për të vazhduar drejt Ministrisë së Arsimit dhe për të përfunduar para Qeverisë.
Protestuesve iu është bashkangjitur edhe kryetari i Sindikatës së Pavarur të Sektorit Privat, Jusuf Azemi.
Në këtë protestë janë duke protestuar mësimdhënës nga komunat e ndryshme të Kosovës, të cilët kanë mbajtur pankarta në duar me kërkesat që presin të plotësohen nga Qeveria: “Kërkojmë të ngritët vlera e koeficientit”, “Duam dialog për të drejtat tona”, “Qeveri respekto pensionistët, sepse ju arsimuan edhe juve”, etj.
