Shaqir Totaj dhe Kryetari Krasniqi: Prizrenin pak ditë e ndajnë nga ndryshimi
Kandidati për Kryetar të Prizrenit, Shaqir Totaj së bashku me Kryetarin e Partisë Demokratike të Kosovës, Memli Krasniqi kanë vizituar sonte nëndegë të shumta të PDK-së në Prizren.
Gjatë këtyre takimeve, Kryetari Totaj ka thënë se gjithandej nëpër qytet po shihet mobilizim, entuziasëm, përkrahje e shpresë për ndryshimin që po vjen.
“Aktivistë e qytetarë janë bërë bashkë më shumë se asnjëherë për fitoren tonë të madhe. Prizreni ynë historik, me trashëgimi kulturore të pasur e qytetarë që e duan qytetin e tyre, meritojnë dhe do të kenë qeverisje më të mirë, pa dallim. Bashkë për Prizrenin – Bashkë për Ndryshimin!”, ka thënë Totaj.
Kryetari i Partisë Demokratike të Kosovës, Memli Krasniqi ka thënë se entuziazmi i qytetarëve të Prizrenit për ndryshim të qeverisjes degraduese në këtë komunë po vërehet në çdo lagje e fshat.
“Atmosferë mobilizuese mbizotëroi edhe në takimet e sotme me qytetarë, aktivistë e përkrahës të Partisë Demokratike të Kosovës, ku të gjithë, pa dallim, janë bërë bashkë për fitoren e Shaqir Totajt, më 14 nëntor. Me Shaqën kryetar të Prizrenit, kryeqytetit tonë historik e kulturor do t’i rikthehet dinjiteti, ndërsa qytetarëve të kësaj komune shpresa e perspektiva.”, ka thënë Krasniqi.
![No description available.](https://scontent.fprn12-1.fna.fbcdn.net/v/t1.15752-9/254821209_280937680587533_7009228935162262929_n.jpg?_nc_cat=105&ccb=1-5&_nc_sid=ae9488&_nc_ohc=aXP6m6McaGAAX9vtXFR&tn=eHjOxWC3ETGWR3Ey&_nc_ht=scontent.fprn12-1.fna&oh=ff070a6e5ec05becc3c2002cb18a9084&oe=61AED335)