Ardian Gjini falënderon votuesit për mbështetje në zgjedhje
Ndonëse nuk arriti të fitojë në raundin e parë, Ardian Gjini shprehet i bindur se një gjë e tillë do të ndodhë në balotazh.
Kandidati i AAK-së, i cili njëherësh është kryetar aktual i Gjakovës, ka falënderuar votuesit e kësaj komune për mbështetjen e ofruar në garën zgjedhore.
Ai thotë se rezultati preliminar i KQZ-së e nxjerr atë bindshëm si fitues i zgjedhjeve të 17 tetorit.
Postimi i plotë:
Faleminderit Gjakovë!
Të dashur bashkëqytetarë,
Rezultati preliminar i KQZ-së na nxjerr bindshëm fitues të zgjedhjeve të 17 tetorit. Si në garën për kryetar, ashtu edhe në atë për asamble. Vlerësimi dhe mbështetja e marrë nga ju, janë motivim dhe inkurajim që ne të vazhdojmë të angazhohemi edhe më shumë, me nder e përkushtim, për vendlindjen tonë.
Dje, u dëshmua pjekuria politike, por edhe kultura e lartë e qytetarëve tanë.
Faleminderit për pjesëmarrje në zgjedhje secilit prej jush!
