Abdixhiku: Qëndron Kastratin e ftova në LDK, ja çfarë më tha kur më refuzoi
Kryetari i LDK-së, Lumir Abdixhiku, ka zbuluar në emisionin “Pressing” në T7 se ka ftuar në parti ish-kryetarin e Kamenicës, Qëndron Kastrati.
Ai tha se këtë ftesë ia kishte bërë para zgjedhjeve si dhe i kishte ofruar që të garonte nën siglën e LDK-së.
Megjithatë, Abdixhiku tha se Kastrati kishte refuzuar për shkak të bindjeve ideologjike.
“Qëndronin e kam ftuar në parti por ka refuzuar. Më tha që ‘ju jeni të djathtë dhe unë s’kam bindje të djathta’. E kam respektuar për shkak të përgjigjesh. Ka qenë i guximshëm për reformat në arsim. Të gjithë kryerarët mendojnë si Qëndroni për reformën në arsim”, deklaroi Abdixhiku.
