Euro 2024
UEFA hap procedurë disiplinore ndaj Shqipërisë
UEFA ka nisur procedurë disiplinore ndaj Federatës Shqiptare të Futbollit pas incidenteve që ndodhën në ndeshjen ndaj Italisë, të shtunën mbrëma. Procedura është hapur për hyrjen e një tifozi në fushë dhe hedhje të objekteve gjatë humbjes 2:1 nga Italia.
UEFA ka njoftuar se ndaj FSHF-së është iniciuar procedurë edhe për fishekzjarrët që ndezën tifozët e Shqipërisë si dhe për “shfaqjen e mesazhit provokues, të papërshtatshëm për ngjarje sportive”.
UEFA nuk ka dhënë më shumë detaje se për cilin mesazh bëhet fjalë.
Komisioni Disiplinor i UEFA-s do të marr vendimin.
Rreth 50 mijë tifozë shqiptarë ishin në ndeshjen ndaj Italisë.
