Si e zgjidhi ish-polici vrasjen e Klodian Rashës? Sandër Lleshaj “i bën bisht” pyetjes së gazetarit: Çfarë paqartësie kishit?
Ish-Ministri i Brendshëm Sandër Lleshaj është përfshirë në debat mbrëmjen e sotme me gazetarin Elton Qyno, i cili e pyeti si e zgjidhi ish-Polici Nevaldo Hajdaraj çështjen e vrasjes së Klodian Rashës.
Lleshaj e pyeti gazetarin se çfarë paqartësie kishte, ndërsa i fundit tha se dëshiron vetëm të dijë si e zgjidhi.
Ish-ministri iu përgjgj duke thënë se Nevaldo Hajadaraj e zgjidhi çështjen në mënyrë kriminale.
Pjesë nga debati në studion e Open:
Lleshaj: Efektivi i policisë ka të drejtë të përdorë armën vetëm për vetëmbrojtje. Arma përdoret vetëm nëse kërcënohet jeta e efektivit
Elton Qyno: Po Nevaldo Hajdari si e zgjidhi z.Lleshaj? Keni qenë ministër në atë kohë, dhatë dhe dorëheqjen për këtë arsye.
Lleshaj: Çfarë paqartësie kishit ju për këtë ?
Elton Qyno: Nevaldo Hajdari si e zgjidhi këtë? Për vetëmbrojtje apo për çfarë?
Sandër Lleshaj: Ai e zgjidhi në mënyrë kriminale. Policia duhet të përdorë armën vetëm kur përdorët armë kundër tyre.
