Euro 2024
Përplasja mes tifozëve në prag të ndeshjes Angli – Serbi, ku u përfshinë edhe shqiptarët, ja si nisi konflikti
Huliganizmi ka bërë një rikthim të turpshëm në Euro2024 pasditen e sotme, vetëm pak orë përpara ndeshjes hapëse të Anglisë kundër Serbisë.
Disa tifozë britanikë janë në mesin e atyre që mendohet se janë lënduar pas goditjeve të përgjakshme, që thuhet se janë shkaktuar, pasi një grup shqiptarësh sulmuan tifozë serbë. Disa tifozë serbë thanë se njerëzit që pretendonin se ishin anglezë gjithashtu i sulmuan ata jashtë një lokali.
Policia e trazirave u përlesh me një turmë, ndërsa të paktën gjashtë persona janë arrestuar.
Policia shtoi se ishte shumë herët për të konfirmuar kombësinë e personave të përfshirë, por tha se qetësia ishte rivendosur.
Oficerët hynë pasi shpërthyen telashet mes tifozëve jashtë një restoranti pak pas orës 15:30. Tifozët shqiptarë thuhet se kanë nisur sulmin fillestar, duke rrethuar në një cep dhe duke hedhur shishe, karrige dhe tavolina, ndaj tifozëve serbëve serbë.
Përleshja vjen përpara ndeshjes hapëse të Tre Luanëve kundër Serbisë, e cila do të fillojë në orën 21:00.
Një tifoz anglez besohet se ka pësuar një plagë në kokë, ndërsa një tjetër është plagosur. Fotot tregojnë disa tifozë të arrestuar, megjithëse kombësia e tyre nuk është konfirmuar.
Dëshmitarët raportuan se një grup njerëzish ‘të maskuar’ shpërthyen papritur.
Dhuna shënon një rikthim në anën e shëmtuar të futbollit që nuk është parë që kur tifozët sulmuan Wembley në 2021 për finalen e Euro 2020. /Ballkani.info
