CIB
CIB shtjellon pse Serbia nuk është shtet ushtarakisht neutral
Instituti “Qendra për Hulumtime Sigurie” ka dalë me një analizë dhe shtjellim pse është gabim të mendohet – në fakt të besohet – se Serbia është shtet “ushtarakisht neutral”; siç edhe rëndom shprehet Beogradi zyrtar.
“Serbia nuk është shtet ushtarakisht neutral, as teorikisht as praktikisht”, shkruan qysh në fillim autori Aleksandar Stojanoviq. Por, pse?
“Instituti i Neutralitetit Ushtarak është një kategori e së drejtës publike ndërkombëtare dhe përfshin një sërë të drejtash dhe detyrimesh të përcaktuara nga konventat ndërkombëtare, të cilave i nënshtrohet një shtet, neutraliteti i të cilit është i garantuar dhe që kanë të bëjnë me ndalimin e anëtarësimit në aleanca ushtarake, ofrimi i ndihmës ushtarake për palët në konflikt, përdorimi i territorit për operacione ushtarake, transport dhe të ngjashme”, shkruan CIB.
“Ajo që është thelbësore në gjendjen e neutralitetit ushtarak të shtetit është garancia e vendeve të tjera, para së gjithash fuqive të mëdha, të cilat e njohin një shtet si ushtarakisht neutral dhe me atë rast lidhin një marrëveshje ndërkombëtare. Një shembull i mirë është Austria, ose, për shembull, Zvicra, e cila mori statusin e neutralitetit ushtarak pas Kongresit të Vjenës në 1815”.
“Fuqitë e mëdha, me marrëveshje, përcaktojnë detyrimet e tyre ndaj një vendi ushtarakisht neutral, duke përfaqësuar kështu garantin ligjor dhe politik të zbatimit të këtij instituti”, vazhdon shkrimi.
“Prandaj, një vend nuk mund të bëhet ushtarakisht neutral, në aspektin e së drejtës ndërkombëtare, thjesht duke deklaruar në mënyrë të njëanshme se është kështu. Është e nevojshme të plotësohen kushte të tjera, pra pëlqimi i palëve të tjera të interesuara”, thuhet më tej në analizën e Stojanoviq.
VIDEO BONUS: Reagimi befasues i Glauk Konjufcës kur kryeministri Kurti pyetet për atentatin
