Rrezikonin mbytjen, shpëtohen 13 pushues nga Shkodra dhe Kosova (FOTO)

Pesë pushues nga Shkodra dhe Kosova që rrezikuan mbytjen në grykëderdhjen e Vilunit në lagunën e Rrjollit, u shpëtuan nga policia Kufitare dhe FNSH.

Policia bën me dije se shtetasit u transportuan për në qëndrën spitalore dhe ndodhen jashtë rrezikut për jetën.

Gjithashtu policia po në të njëjtin vend i ka dhënë ndihmën dhe 9 shtetasve çekë të cilët kishin ngelur të izoluar dhe në momentin që donin të kalonin grykëderdhjen e Vilunit, jeta e tyre u vu në rrezik.

Falë ndërhyrjes së Policisë të 9 shtetasit kanë dalë në breg pa asnjë problem për jetën.

Njëkohësisht edhe në Sarandë, Policia Kufitare ka shpëtuar një plazhist i cili u rrezikua të mbytej si pasojë e dallgëve të detit.

Policia e Shtetit, ju bën thirrje të gjithë pushuesve të tregojnë kujdes maksimal, pasi deti aktualisht është i trazuar dhe me dallë të mëdha.

Policia e Shtetit sygjeron pushuesit dhe turistët që të shmangin lëvizjet me mjete lundrimi, si motorr uji apo varka deri në qetësimin e detit.

Policia Kufitare ka rritur patrullimin me mjetet e saj lundruese në det dhe është angazhaur maksimalisht për t’i ardhur në ndihmë çdo pushuesi që i rrezikohet jeta në det.

Në ndihmë të Policisë Kufitare janë angazhuar maksimalisht edhe shërbimet e Policive Vendore si dhe Forcat e Ndërhyrjes së Shpejtë, me patrullim tokësor

Për çdo rast nevoje për ndihmë telefononi në numrin pa pagesë 112 dhe shërbimet e Policisë do jenë menjëherë në ndihmën tuaj.