Të dyshuarit ia vënë flakën veturës që e përdorën për të kryer grabitjen e armatosur në Parallovë
Ballkani.info pak më parë raportoi për një grabitje të armatosur në rrugën Gjilan – Prishtinë, në fshatin Parallovë, ku persona të panjohur dyshohen se sulmuan me breshëri plumbash automjetin e kompanisë së sigurimeve “Besa Security”, i cili po bartte paratë e bankës ProCredit.
Sinjali mëson se të dyshuarit që kryen grabitjen e armatosur dyshohet se ia kanë vënë flakën veturës së tyre.
Sinjali merr vesh se të dyshuarit arritën që të grabisin një shumë të madhe parash që po barteshin me automjetin e kompanisë së sigurimeve.
