Musk: Inteligjenca artificiale më shqetëson
Elon Musk është përplasur shpesh me rregullatorët e letrave me vlerë dhe autoritetet e sigurisë së autostradave, por ka një fushë që shefi i Tesla-s dhe Twitter thotë se qeveria duhet ta rregullojë tani: Inteligjenca Artificiale.
“Inteligjenca artificiale më shqetëson”, u shpreh Musk afër fundit të një prezantimi më shumë se tre orësh për investitorët e Tesla-s rreth planeve të kompanisë, transmeton Telegrafi.
Përpjekjet ambicioze të inteligjencës artificiale të Tesla-s patën një rol të veçantë në prezantimin e “Master Plan 3” të Musk, pjesa e tretë e një serie punimesh se si të zgjerohet Tesla dhe të shndërrohet bota në energji të pastër.
Kishte një video të një roboti humanoid Optimus, të zhvilluar nga Tesla, duke manipuluar pjesë të robotëve të tjerë Optimus sikur të kishte për qëllim të montonte kopje të vetes.
Ekzekutivët dhanë prezantime të detajuara se si Tesla po përdor teknologjinë e inteligjencës artificiale për të trajnuar automjetet që të voziten vetë – një përpjekje nën vëzhgimin e autoriteteve federale dhe shtetërore.
Në fillim të kësaj jave, Musk u duk se konfirmoi përmes raporteve në Twitter se ai po rekrutonte një ekip teknologësh të AI-s për të ndërtuar një konkurrent për ChatGPT.
