Mi-35P
“Ajo lëvizje ka për qëllim…”: Si raportuan mediat botërore për helikopterët që Serbia i ka blerë nga?
Gjatë vizitës së Presidentit të Serbisë, Aleksandar Vuçiq, në aeroportin që mban emrin e kolonel-pilotit Milenko Pavloviq në afërsi të Batajnicës, në ekspozimin e armëve dhe pajisjeve ushtarake që janë blerë ose janë duke u zhvilluar për RViPVO të Forcave të Armatosura Serbe, publikut dje i janë ekspozuar 11 helikopterët Mi-35P që Serbia i ka blerë nga Qiproja, raportojnë mediat në Serbi, gjë që është raportuar edhe nga mediat botërore.
Të njëmbëdhjetë helikopterët me ngjyrat karakteristike të kamuflazhit të Gardës Kombëtare të Qipros janë ekspozuar në aeroportin Batajnica, transmeton Ballkani.info.
“Kjo lëvizje ka për qëllim forcimin e aftësive të aviacionit ushtarak serb”, raportoi Reuters, që është përcjellë edhe nga RBC e Ukrainës.
Mediat botërore shkruajnë për marrëveshjen mes Serbisë dhe Qipros
Pretendohet se qeveritë e Serbisë dhe Qipros arritën një marrëveshje në vitin 2021 për blerjen e helikopterëve nga Beogradi me një çmim të panjohur, me një pjesë të pagesës përmes eksportit të armëve të tyre të prodhuara në vend.
“Ne i paguam vëllezërit tanë qipriotë më shumë se gjysmën me armë, kryesisht artileri”, tha Vuçiq.
Presidenti i Serbisë deklaroi se Beogradi nuk është kundër shitjes së armëve përmes ndërmjetësve të cilët më pas mund t’i transferojnë ato në Ukrainë për t’i rezistuar agresionit rus.
Kryeministrja Ana Brnabiq vuri në dukje se Serbia është e gatshme të marrë pjesë në rindërtimin e Ukrainës pas luftës dhe të mbështesë integrimin e saj evropian duke ndarë përvojat e saj.
US Neës shkruan se Vuçiq njoftoi gjithashtu shitjen e 48 obuseve vetëlëvizëse të prodhimit serb me një vlerë totale prej 311 milionë euro (339 milionë dollarë) në një vend të paspecifikuar. Kjo procedurë ende duhet të kalojë në parlamentin e tyre”, tha Vuçiq.
Serbia është ushtarakisht neutrale, por i është bashkuar Partneritetit për Paqe të NATO-s, një program për vendet që nuk aspirojnë të anëtarësohen në aleancë.
Beogradi ndërpreu bashkëpunimin ushtarak me Moskën pasi Rusia sulmoi Ukrainën dhe dënoi pushtimin.
Por ndryshe nga BE-ja dhe vendet e tjera perëndimore, ajo nuk vendosi sanksione ndaj Moskës.
Buxheti ushtarak i Serbisë arrin në 1.43 miliardë dollarë ose dy për qind të prodhimit të brendshëm bruto (GDP). /Ballkani.info/
