Ish-deputetja e LDK-së krah Sali Berishës në protestën kundër Vuçiq
Ish-kryeministri Sali Berisha po shoqërohet në protestë nga ish-deputetja e LDK-së Melihate Tërmkolli kundër ardhjes së Aleksandër Vuçiç në Tiranë dhe si një formë kundërshtimi ndaj nismës Ballkani i Hapur.
Ish-kryeministri Sali Berisha, ka dhënë një deklaratë për media para pak nisjes së tubimit të paralajmëruar prej tij. Ai ka thënë se kjo proterstë është kundër aleancës triraterale, Beograd-Tiranë dhe Shkup, e cila i kundërvihet sipas tij nismës së Berlinit.
“Sot bashkohen në protestën e tyre të parë më të fuqishme në mbrojtje të interesit të tyre kombëtar të shkelmuar nga regjimi, kreu i meduzës Edvin Rama. Protesta është kundër aleancës triraterale, Beograd me vasalët e tij, Tiranë-Shkup dhe nuk është aspak kundër bashkëpunimit rajonal.
Është kundër kësaj aleance të mishëruar Ballkani i Hapur dhe refuzohet në mënyrë të prerë nga tre vende të tjera të Ballkanit. Kemi të bëjmë me një qëndrim në mbrojtje të interesit kombëtar. Kjo nismë i kundërvihet në mënyrë flagrante nismës së Berlinit e frymëzuar nga Aleksandër Vuçiçiç dhe Edvin Kristaq Rama. Ballkani i Hapur u themelua nga Aleksandër Vuçiç, por nëse ka diçka të rëndë. Simboli kuq e zi është simboli i përhershëm i shqiptarëve”, tha Berisha.
