LAJMI I FUNDIT: Xhavit Haliti kandidat për president të Kosovës?!
Çështja e postit të presidentit po vazhdon të “ziejë” në skenën politike kosovare.
Ishte kryetari i AAK-së, Ramush Haradinaj, ai i cili, pak kohë më parë deklaroi hapur kandidaturën për këtë post. Por kreu i LDK, Isa Mustafa, ka thënë se kjo pozitë duhet t’i takojë Partisë Demokratike të Kosovës.
Aktualisht këtë pozicion po e mban Vjosa Osmani si UD e Presidentit, e cila mund të qëndrojë vetëm 6 muaj, pas konfirmimit të aktakuzës nga Gjykata Speciale për ish-presidentin Hashim Thaçi.
Telegramisot.com mëson nga burimet te sigurta brenda PDK-së, se si kandidat serioz për president nga ky subjekt politike po lakohet emri i ish nënkryetarit të Kuvendit të Kosovës Xhavit Haliti, i cili është edhe nënkryetar i PDK-së.
Portali ka biseduar me Haliti, për këtë temë por ai as nuk e ka pohuar e as mohuar kandidaturën e tij për president të Kosovës duke shtuar se është ende herët të flitet për këtë temë.
Haliti mbrëmë në një intervistë tha se PDK-ja duhet të hyjë në qeveri dhe se nuk ka kushte aktualisht që të shkohet në zgjedhje, shkruan Ballkani.info.
Sipas tij, pozita e presidentit duhet t’i takojë PDK-së në një marrëveshje të mundshme me LDK-në për bashkëqeverisje.
Tutje Haliti e ka quajtur të ngutshëm idenë e Ramush Haradinajt për president, duke thënë se zor që do të ndodh kjo. /Ballkani.info/
