Hoti: Sa më parë të zbardhen rrethanat e shpërthimit
Kryeministri i Kosovës, Avdullah Hoti, u shpreh i tronditur nga lajmi për lëndimin e 42 qytetarëve të Kosovës, në mesin e të cilëve ka edhe të mitur, nga shpërthimi i bombolës së gazit në një lokal afarist në Ferizaj.
Hoti uroj shërim të shpejtë të gjithë të lënduarve, ndërsa kërkoi edhe zbardhjen sa më të shpejtë të rastit.
“Të gjithë të lënduarve ju dëshiroj shërim sa më të shpejtë dhe kthim pranë familjeve të tyre. Duhet sa më parë të zbardhen rrethanat e këtij rasti”, shkroi Hoti.
