Bekim Shyti
“Në duar më vdiq Adnani, 21 vjeç”, ish-Komandanti i Njësisë Speciale të UÇK-së flet për luftën
Ish-Komandanti i Njësisë Speciale të UÇK-së, Bekim Shyti ka thënë se UÇK-ja duhet të lartësohet dhe se sipas tij kush e fyen nuk është shqiptar.
Teksa foli për luftën, Shyti përmendi edhe vdekjen e 21 vjetarit në duart e tij.
“Adnani ka qenë 21 vjeç kur ka ndërru jetë ne duar të mija, dhe kur i kujtojë ato momente janë pak të vështira, mundohemi me u përmbajt por është njerëzore…”
Shyti thotë se dëshmorët që kanë dhënë jetën, janë shembull se sa duhet të bëjmë vendin.
“Familja Jashari, familja Haradinaj, Lladrovci, familja Pajazitaj e shumë familje te tjera që mos të hymë në hak janë shembulli më i mirë se sa duhet të bëjmë për vendin tonë, dhe të kemi kujdes se sa here që e fyejmë UÇK-në, i fyejmë qato familje”, u shpreh ai në video-podcastin e Periskopit.
