Memli Krasniqi
Krasniqi viziton Thaçin e Veselin: I gjeta siç i kisha lënë me moral të lartë dhe besimplotë në të drejtën e tyre
Kryetari i Partisë Demokratike të Kosovës (PDK), Memli Krasniqi, ka vizituar ish-krerët e UÇK-së në Hagë.
Ai nëpërmjet një postimi në rrjetin social “Facebook”, ka treguar se gjendja e tyre emocionale është shumë e mirë dhe se sipas tij ‘u kanë bërë të fala të gjithëve’.
”Pa dyshim, dielli do të lind përsëri!”, përfundon postimi i Krasniqit.
Postimi i plotë:
Pas gati gjashtë muajsh, sot vizitova përsëri Presidentin Thaçi dhe Kryetarin Veseli në Hagë. I gjeta ashtu siç i kisha lënë herën e fundit: me moral të lartë dhe besimplotë në të drejtën e tyre, në të drejtën e Kosovës dhe në të drejtën e luftës së shenjtë të popullit tonë për liri.
Të gjithë bashkëndjejnë dhe jetojnë çdo ditë me fatin e Kosovës dhe qytetarëve tanë. Ndonëse liria fizike e tyre është e kufizuar, shpirti i tyre mbetet i pathyer.
Fjalët, qëndrimi dhe kurajo e tyre, më bindin në secilën vizitë se të tillë do të mbeten deri në ditën e madhe të rikthimit në atdhe.
Megjithatë, qëndrimi i tyre i padrejtë në këtë vend, vazhdon të na rikujtoj sakrificat dhe çmimin e lartë të lirisë – që populli ynë vazhdon të paguaj edhe pas 25 vitesh.
Keni të fala të gjithë, pa përjashtim, nga çlirimtarët tanë.
Pa dyshim, dielli do të lind përsëri! 
VIDEO BONUS:
