AAK
Doktori Hamëz Berisha kandidat për deputet nga radhët e AAK-së
Doktori Hamëz Berisha do të jetë kandidat për deputet të Kuvendit të Kosovës nga radhët e Aleancës për Ardhmërinë e Kosovës.
Ish-ushtruesi i detyrës së Drejtorit të Spitalit të Mitrovicës ka njoftuar se zyrtarisht është propozuar për të qenë pjesë e listës zgjedhore të AAK-së në zgjedhjet parlamentare.
Berisha ka thënë se “duke u sfiduar çdo ditë me hallet dhe problemet shëndetësore vendosa t’i hyjë garës për deputet”, ka thënë ai mes tjerash.
Njoftimi i plotë:
Të dashur familjar dhe ju qytetarë të nderuar!
Ju njoftoj që zyrtarisht jam kandidat për deputet nga AAK në zgjedhjet parlamemtare kurdo që mbahen në Republikën e Kosovës!
Dua të shpreh një falenderim të veçantë për Kryetarin z. Ramush Haradinaj dhe gjithë strukturat e AAK – s si në nivelin qendror poashtu edhe atë lokal Dega në Klinë, për besimin dhe mundësinë që më është dhënë, në mënyrë që ti përfaqësoj sa më dinjitetshëm të gjithë ata që më njofin dhe kanë besim se unë nesër, do jem zëri i tyre në Parlamentin e Kosovës!
Duke u sfiduar çdo ditë me hallet dhe problemet e qytetarëve sidomos ato shëndetësore, vendosa që ti hyjë garës për deputet dhe nesër të gjitha këto probleme që ju sfidoheni çdo ditë, ti përfaqësoj në kuvend e ti japim zgjidhje njëhere e përgjithmonë këtyre problemeve!
Na priftë e mbara!
