Policia e Kosovës
Berisha, Vetëvendosjes: Pse nuk po përkrahet policia?
Deputeti i AAK-së, Bekë Berisha, ka thënë se miratimi i rezolutës për policinë do ta lehtësonte situatën për ta.
Ai ka kritikuar mungesën e Lëvizjes Vetëvendosje në seancë, që sipas tij edhe mund të jetë duke planifikuar diçka pozitive.
“Pse pozita nuk është këtu? Pse nuk përkrahet policia as edhe me rezolutë? Sepse mendojnë se edhe rrejnë edhe mashtrojnë dhe e marrin votën prapë në sajë të një propaganda prej 6 milionësh. Me 6 milionët për propagandë do t’i kryente të gjitha nevojat e policisë”, ka thënë Berisha.
“Bojkoti i pozitës këtu… Kanë me ba diçka, por brengën e kanë që nuk duan t’i lënë meritë kërkujt. Kjo është shumë e ulët. Asnjë votë s’po e dua vetëm t’ua ndreqim jetën këtyre policëve”.
Ai ka thënë se qeveria, “aparaturën e propagandës” duhet ta kthejë kah Serbia, jo kah opozita kosovare.
