Zbulohet arsyeja pse i largoi Ronaldo veturat nga Torino
Sulmuesi i Juventusit, Cristiano Ronaldo, i ka larguar të gjitha makinat e veta personale nga garazhi në Torino, duke i ndezur thashethemet për një lamtumirë këtë verë.
Megjithatë, Sky Sport Italia raporton se ylli portugez akoma nuk ka vendosur për të ardhmen e tij.
Duke u bazuar në burime pranë lojtarit, transmetuesi i njohur i citon ata të kenë thënë se këtë veprim Ronaldo e bën gjithmonë para pushimeve.
Megjithatë, këtë nuk kishte arritur ta bënte në verën e kaluar për shkak se futbolli ishte rikthyer gjatë verës si pasojë e pandemisë së koronavirusit. Për këtë arsye, lëvizja e tanishme ka nxitur më shumë thashetheme.
