Xhaka kërkon falje për gabimin që i kushtoi me pikë Arsenalit VIDEO

Mesfushori kosovar i Arsenalit, Granit Xhaka, ka kërkuar falje për gabimin në ndeshjen ndaj Burnleyt, gabim ky i cili i kushtoi me pikë “Topçinjve”.

Arsenali po udhëhiqte 1:0 në ndeshjen e xhiros së 27-të të Premier Leagues, kur Xhaka gabimisht qëlloi me top një futbollist të Burnleyt dhe topi i kthye përfundoi në rrjetën e Bernd Lenos. Ndeshja u mbyll baras 1:1.

“Mbaj duart lart për golin e tyre dhe më vjen keq për gabimin. Ky është futbolli dhe tani po ndihem i frustruar aq sa të gjithë ju”, ka shkruar ai në rrjete sociale drejtuar tifozëve të Arsenalit.

Në mbrojtje të Xhakës, pas takimit doli trajneri Mikel Arteta që arsyetoi gabimin.