Vlere e jashtezakonshme

Vlera e futbollistëve, Manchester City kampion i Europës

Ndërsa pritet të fillojë sezoni i ri futbollistik, në kontinentin e Vjetër bëhen llogaritë për vlerën e lojtarëve duke qenë se jemi edhe në periudhën e merkatos së futbollistëve. në këtë aspekt, sipas Transfermarkt, skuadra kampione e Evropës është pikërisht Manchester City.

Ekipi i Pep Guardiolës, fituesi i Premier Leagues,qe ka në përbërje 4 futbollistë që e kalojnë vlerën e 100 milionë Eurove, me një vlerë totale prej 1.26 miliardë Euro.

Në vendin e dytë renditet Reali i Madridit që këtë vit ka bërë investime rekord në merkaton e transferimeve teksa ka sjellë në skuadër ,lojtarë të tillë si Hazard, Mendy. Vlera e futbollistëve të Los Blancos sipas Transfermarkt është 1.23 miliardë Euro.

Podiumin e klubit me futbollistët me vlerën më të madhe e plotëson një tjetër klub i La Ligas, Barcelona me 1.11 miliardë Euro. Te Katalanasit lojtarët me vlerën më të lartë janë Messi me 150 milionë Euro dhe Dembele me 100 milionë.

Liverpooli është skuadra e katërt që e ka vlerën e futbollistë mbi kufirin e 1 mld Eurove, më konkretisht ajo është 1.09 mld Euro. Nga vendi i pestë që mbahet nga Tottenhami e deri te Bayerni i Mynihut në të 11 vlera e futbollistëve të skuadrave është nën 1 mld Euro dhe këtu përfshihen edhe skuadra si PSG, Atletico Madrid, Juventus, Chelsea e Manchester United.

loading…