Luka Modric
Tifozët nuk mund ta besojnë se si Modric përfundoi në ‘top 10’, përpara emrave si Griezmann dhe Gundogan
Luka Modric ka përfunduar në vendin e dhjetë në renditjen e Topit të Artë 2023 nga 30 të nominuarit dhe kjo ka befasuar në masë të madhe tifozët e futbollit, të cilët nuk e dinë se për çfarë përfundoi kroati aty.
Dy reprezentues kroatë ishin në mesin e 30 të nominuarve për Topin e Artë, çmimin për futbollistin më të mirë në botë në sezonin 2022/2023 nga France Football. Bëhet fjalë për Luka Modric dhe Josko Guardiolën.
Mbrojtësi i ri i Manchester Cityt përfundoi në vendin e 25-të, ndërsa vendosja e Modric në vendin e dhjetë befasoi shumë tifozë.
Një pjesë e tyre mendojnë se është një renditje shumë e lartë dhe se kjo kushtëzohet vetëm nga statusi i tij i yllit dhe vendi i tretë në Kampionatin Botëror të Katarit.
Kujtojmë se sezonin e kaluar, për të cilin u nda ky Top i Artë, Modric ishte vetëm lojtari i dhjetë i Realit në minuta. Në kampionat ai shënoi katër gola dhe tre asistime në 33 paraqitje, ndërsa në Ligën e Kampionëve shënoi dy herë dhe asistoi një.
Gjithashtu me Realin nuk fitoi asnjë nga dy garat më të rëndësishme dhe mund të mburret “vetëm” me Kupën e Mbretit.
Këto janë arsyet kryesore pse shumë fansa të futbollit në rrjetet sociale mendojnë se performanca dhe lojërat e tij sezonin e kaluar u mbivlerësuan. Është shkruar nga fansa të thjeshtë, faqe të mëdha fansash, por edhe disa gazetarë të huaj.
Shumica e këtyre komentuesve e krahasojnë Modricin me yllin e kombëtares franceze Antoine Griezmann dhe kapitenin gjerman Ilkay Gundogan. Sulmuesi i Atletico Madrid përfundoi i 21-ti, ndërsa mesfushori i Barcelonës përfundoi i 14-ti.
“Nuk ka mundësi që Modriç të ishte më i mirë se Gundogan. A mund të më shkruajë dikush një moment për të cilin do ta kujtojmë sezonin e kaluar?”, ka shkruar një nga faqet e tifozëve të Manchester Cityt me 40 mijë ndjekës.
Neil Gardner, një gazetar australian, i cili ndiqet nga 92 mijë njerëz, ka vendosur diferencën në renditje mes Modric dhe Gundogan me disa ‘emoji’ duke qeshurPas kësaj ai shkroi: “Si është Modric në top 10?”.
“Unë e dua këtë njeri, ai është një legjendë e kësaj loje, por të betohem që njerëzit as nuk e shikojnë më. Thjesht thonë: “Eh, ai duhet të ketë qenë i mirë”. Toni Kroos ishte mesfushori më i mirë i Realit sezonin e kaluar”, shkroi një tjetër.
“Arsyeja e vetme pse Modric është përpara Griezmannit është PR i Realit”, shkruan një faqe e fansave.
Nga ana tjetër, ka shumë tifozë mendojnë se Modric u nderua me vendin e 10-të shkaku i karrierës së tij si dhe për faktin se ai është i vetmi fitues i Topit të Artë që ende luan në Evropë.
