Serbia ‘blindohet’ me armë ruse, nuk merr parasysh kërcënimet për sanksione nga SHBA-të

Serbia ka marrë një sistem të sofistikuar anti-aeroplan nga Rusia, pavarësisht sanksioneve të mundshme amerikane kundër shtetit të Ballkanit, i cili zyrtarisht po kërkon anëtarësimin në Bashkimin Evropian.

Presidenti serb Aleksandar Vuçiq i tha të dielën televizionit pro-qeverisë “Prva” se sistemi i mbrojtjes ajrore Pantsir S1 ishte blerë pas sugjerimeve nga Presidenti rus Vladimir Putin, shkruan Washington Post.

“Blerja e Pantsir S1, tregoi efikasitetin e saj më të mirë në Siri”, citoi Vuçiq duke përmendur takimet e shpeshta me Putinin, transmeton lajmi.net.

“Ky sistem anti-aeroplan është shumë efikas për shënjestrimin e droneve që po bëhen vendimtar në luftën moderne”, ka thënë Vuçiq.

Megjithë përpjekjen për t’u anëtarësuar në BE, Serbia nën udhëheqjen populiste të Vuçiqit ka forcuar lidhjet e ngushta politike dhe ushtarake me aleatin e saj sllav Rusinë.

Serbia është zotuar të qëndrojë jashtë NATO dhe nuk pranoi të bashkohet me sanksionet perëndimore kundër Rusisë për politikat e saj në Ukrainë.

Siç shkruan Washington Post, armatosja e Serbisë nga Rusia është parë me shqetësim në perëndim mes tensioneve në rritje në Ballkan që kaluan një luftë shkatërruese civile në vitet 1990. NATO-ja ndërhyri në Serbi për të ndaluar sulmin e përgjakshëm serb kundër shqiptarë të Kosovës në 1999.

Zyrtarët amerikanë kanë folur hapur për vendosjen e sanksioneve kundër Serbisë në rast se Moska i shet më shumë armë vendit, veçanërisht armë që mund të rrezikojnë sigurinë e vendeve fqinje anëtare të NATO-s.

Vuçiq tha që shpresonte se nuk do të kishte sanksione teksa ka folur për blerjen e Pantsir. Ai tha se beson se kërcënimi i sanksioneve ishte i përqendruar në blerjen e mundshme të sistemeve anti-aeroplan S-400 që kanë një gamë shumë më të madhe.

Dorëzimi që u bë të shtunën të dy nga gjashtë sistemet e raketave të blera ruse vjen vetëm disa ditë pasi Ministri i Mbrojtjes Ruse, Sergei Shoigu, vizitoi Beogradin, ku ai deklaroi se bashkëpunimi ushtarak midis dy shteteve ka arritur në një nivel “thelbësisht” të ri.

Pantsir është një sistem raketash me zjarr të shpejtë i destinuar për mbrojtje kundër raketave të lundrimit, dronëve dhe avionëve të ulët fluturues me një varg rreth 20 kilometra (12 milje).