Amir Rrahmani
Rrahmani: Presioni i Napolit nuk funksionoi te Barcelona
Ylli dhe kapiteni i Kosovës, shënoi golin e vetëm të Napolit në Barcelonë dhe mendon se kampioni italian largohet nga Liga e Kampionëve me kokën lart, por pranon se presioni i lartë nuk funksionoi.
Napoli u mposht mbrëmë 3:1 nga Barcelona, kështu duke u eliminuar nga raundi i 1/16-ës së Ligës së Kampionëve.
“Ne largohemi me kokën lart, sepse luajtëm në mënyrë të drejtpërdrejtë dhe sulmuese, edhe nëse mund të kishim bërë më mirë në golat e tyre dhe po ashtu të kishim golin e barazimit”, tha Rrahmani për “Sport Mediaset”.
“Fatkeqësisht, nëse nuk i shfrytëzoni shanset tuaja kundër kundërshtarëve të fortë, do të detyroheni të paguani për këtë. Ne u përpoqëm të përdornim një presion të lartë, por në të vërtetë nuk funksionoi, përkundrazi i lejoi Barcelonës të kishte disa kundërsulme. Nuk kemi bërë presion në mënyrë efektive”, shtoi më tej ylli i Kosovës.
