Policia del me njoftim: Nuk ka asnjë urdhër arrest për Agim Ademin

Pasi u raportua në një media për kinse arrestimin e kryetarit të FFK-së, Agim Ademi, ka reaguar Policia e Kosovës.

Policia e Kosovës përmes një njoftimi për media ka mohuar arrestimin e Ademit, duke thënë se nuk ka ndonjë urdhër arrest.

Njoftimi i policisë:

Informacion zyrtar

Prishtinë, 21 mars 2023

Policia e Kosovës, sot në orët e pasdites ka intervistuar në stacion policor një person/zyrtar të Federatës së Futbollit të Kosovës, i cili pas intervistimit me urdhër të prokurorit është liruar.

Ndërsa raportimi në media për kinse arrestimin e kreut të FFK-së nuk qëndron dhe se nuk ka ndonjë urdhër arrest siç raportohet, por të njëjtit i është lënë një ftesë për tu paraqitur në polici për intervistim gjatë ditës së nesërme.

Të gjitha veprimet e mëtejme do të ndërmerren në bashkëpunim dhe koordinim me organet e drejtësisë.