Erdogan

Po të jetë nevoja i ndajmë rrugët me Evropën, thotë Erdogan

Presidenti turk, Recep Tayyip Erdogan, tha të shtunën se Ankaraja mund të ndajë rrugët me Bashkimin Evropian nëse është e nevojshme, kur u pyet për miratimin e fundit të raportit të Parlamentit Evropian për Turqinë.

https://ads.gogel.al/www/images/38a354970fe762f3ea7e0af05448e75d/index.html?clickTag=https%3A%2F%2Fads.gogel.al%2Fwww%2Fdelivery%2Fcl.php%3Fbannerid%3D2839%26zoneid%3D286%26sig%3Dd3d2b941220a006c6de47a731ba72b2cca85b9bed49472271b86353277162004%26dest%3Dhttps%253A%252F%252Fwww.one.al%252Fback_to_school

Duke folur me gazetarët përpara udhëtimit të tij në Shtetet e Bashkuara, Erdogan tha gjithashtu se Bashkimi Evropian po bën lëvizje për t’u distancuar nga Turqia.

Dy ditë më parë, Ministria e Jashtme turke, e kritikoi ashpër raportin e PE-së për Turqinë.

“Ky raport, i mbushur me akuza dhe paragjykime të padrejta të bazuara në dezinformimin e qarqeve anti-Turqisë, është një pasqyrim i qasjes së zakonshme të cekët dhe jovizionare të Parlamentit Evropian, si në marrëdhëniet e tij me vendin tonë, ashtu edhe në të ardhmen e BE-së. tha ministria në një deklaratë”, shkruhej në reagimin e Ministrisë.

Më tej, shtohej se “fatkeqësisht, ky raport tregon gjithashtu se sa të robëruar janë anëtarët e PE-së ndaj politikës ditore populiste dhe sa larg janë ata nga zhvillimi i qasjes së duhur strategjike si ndaj BE-së ashtu edhe ndaj rajonit tonë”.

Turqia e konsideron të paarsyeshme që BE-ja të sjellë qasje të ndryshme në vend të negociatave të anëtarësimit në këtë kohë kritike për stabilitetin dhe sigurinë e kontinentit, kur është hapur një dritare mundësie për rigjallërimin e marrëdhënieve Turqi-BE.

Për më tepër, pretendimet në raport në lidhje me çështjet e Egjeut, Mesdheut Lindor dhe Qipros, të cilat pasqyrojnë pikëpamjet e njëanshme të disa grupeve dhe janë të shkëputura nga realitetet historike dhe ligjore, nuk kanë asnjë vlerë për Turqinë, shtohet në reagim.

“Ne shpresojmë që Parlamenti i ri që do të formohet pas zgjedhjeve të PE të vitit 2024 do të veprojë me një perspektivë neutrale, racionale dhe konstruktive”, përmbyll ndërkohë komenti nga diplomacia turke.

Ministri turk i Drejtësisë, Yilmaz Tunc, nga ana tjetër, tha në një postim në faqen e mediave sociale X, dikur Twitter, se raporti injoron përpjekjet aktuale për reformën në Turqi, si dhe zhvillimet e fundit në të drejtat e njeriut dhe sundimin e ligjit.

Tunc tha se raporti është “larg të qenit objektiv”, nuk bazohet në të dhëna dhe është “i padrejtë, i pabazë dhe plot zhgënjime”.

“Ky raport nuk kontribuon në agjendën pozitive midis Turqisë dhe Bashkimit Evropian”, përmblodhi ai.