Janë publikuar pamje nga momenti kur është nxjerrë nga uji trupi i gjetur në rrënojën e aeroplanit të fundosur me të cilin po udhëtonte futbollisti Emiliano Sala.
Një trup është nxjerrë me sukses nga aeroplani i fundosur, i cili ishte rrëzuar në Kanalin Anglez përderisa me të po udhëtonte futbollisti i Cardiff Cityt, Emiliano Sala.
Dega e Hetimeve të Aksidenteve Ajrore (DHAA) të Britanisë së Madhe e konfirmoi dje vonë se viktima, e cila nuk është identifikuar ende publikisht tani do të dorëzohet te autoritetet përgjegjëse.
Piper Malibu, lloji i aeroplanit të fundosur në det, u zhduk mbrëmjen e 21 janarit, përderisa me të po udhëtonte Sala dhe piloti David Ibbotson.
Policia Guernsey i kishte ndalur kërkimet tri ditë më vonë, më 24 janar, pasi që nuk kishin gjetur asgjë gjatë kërkimeve. Më vonë kishte filluar një kërkim privat, i cili u mbështet nga donacionet private.
Horrible wait for families of footballer #EmilianoSala & his pilot Dave Ibbotson as recovered body is taken off rescue boat & handed over to local coroner who will proceed with formal ID. Bad weather meant plane wreckage couldn’t be recovered last night. pic.twitter.com/oLhC9lJHuN
— Katerina Vittozzi (@kvittozzi) February 7, 2019
DHAA kishte thënë se një trup kishte qenë i dukshëm në rrënojat e aeroplanit, i cili ishte në fund të detit afër ishullit Guernsey. Pas disa përpjekjeve, trupi u nxjerr me sukses nga ato rrënoja. Megjithatë, për shkak të motit të keq, tentimet për ta nxjerrë edhe aeroplanin u ndaluan.
“Në kushte të vështira, DHAA dhe kontraktuesit specialistë arritën ta nxjerrin me sukses trupin i cili ishte parë më herët në këto rrënoja. Operacioni u krye me sa më shumë dinjitet që ishte e mundur dhe familjet i mbajtëm të informuar gjatë gjithë kohës”.
Sala kishte qenë duke udhëtuar në Cardiff pasi i kishte thënë lamtumirë ish-bashkëlojtarëve të tij në Nantes, pasi e kishte siguruar vetëm disa ditë më parë një transferim në klubin e Premierligës, Cardiff City.







