Cristiano Ronaldo

Nuk ka më vend në skuadër, Unitedi hap zyrtarisht negociatat për të shitur Ronaldon

Cristiano Ronaldo duket se ka sjellë shumë probleme për Eric Ten Hag dhe Manchester Unitedin me klubin që ka vendosur që ta shesë futbollistin.

Siç raporton “Talk Sport”, klubi është zyrtarisht i hapur për negociata me këdo që kërkon ta blejë.

“Djajtë e Kuq” janë gati që të presin çdo ofertë për të dhe të bisedojnë me klubet që janë të interesuara.

Kjo gjë duket se ka ardhur nga sjellja e portugezit, i cili ka kërkuar me ngulm që të largohet nga Manchester Unitedi, pasi kërkon që të luajë në Ligën e Kampionëve sezonin e ardhshëm.