Bujar Çela

Një viktimë dhe 8 të plagosur nga shpërthimi në Lushnjë, deputeti i PS i nënshtrohet një ndërhyrjeje kirurgjikale

1 viktimë dhe 8 të plagosur. Ky është bilanci pas shpërthimit në një zonë ku po ndërtohej në Lushnjë.

Mes të plagosurve është dhe deputeti i PS Bujar Çela, i cili po i nënshtrohet një ndërhyrjeje kirurgjikale.

Njoftimi i policisë

Rreth orës 16:05 në vendin e quajtur “Rrethrrotullimi i Plasmasit”, në një kapanon në ndërtim dyshohet se gjatë punës, një vinçier duke drejtuar një vinç, akisdentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm.

Si pasojë e shpërthimit ka humbur jetën shtetasi L. V., dhe janë plagosur tetë shtetas mes tyre dhe deputeti B. Ç., të cilët ndodhen në spital për ndihmë mjeksore.

Menjëherë nga Drejtoria Vendore e Policisë Fier dhe Komisariati i Policisë Lushnjë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe shkakut të shpërthimit.