Ministrja Haxhiu shfuqizon vendimin për përdorimin e veturave zyrtare jashtë orarit të punës
Ministrja e Drejtësisë Albulena Haxhiu, përmes një postimi të rrjetin social Facebook ka thënë se ka marrë vendim për të shfuqizuar vendimin për përdorimin e automjeteve zyrtare të institucionit që ajo drejton jashtë orarit të punës.
Ky është postimi i plotë:
Nën përcaktimin tonë si Qeveri që të ndalim “gjakderdhjet financiare” dhe reduktimin e shpenzimeve qeveritare, kam marr vendim për të shfuqizuar 24 vendime, lidhur me përdorimin e automjeteve zyrtare të Ministrisë së Drejtësisë jashtë orarit zyrtarë të punës.
Nga sot veturat e Ministrisë së Drejtësisë, do të përdoren vetëm sipas procedurave të Udhëzimit Administrativ 03/2008.
Si Ministre e Drejtësisë do të kujdesem deri në detaje që pasuria dhe paraja jonë publike të mos keqpërdoren ashtu siç ka ngjarë me pushtetet e kaluara.
Bashkëngjitur gjeni vendimin!
Lexoni edhe:
