Majlinda: Po punoj zellshëm për ta shkruar historinë përsëri për Kosovën
Majlinda Kelmendi ka thënë se është plotësisht e përqendruar në punë dhe përgatitje për ta mbrojtur titullin olimpik dhe për ta shkruar përsëri historinë në Lojërat Olimpike Tokyo 2020.
Në mesjavë, Kelmendi e fitoi medaljen e artë në grand slamin e Abu Dhabit, për herë të dytë në karrierë, pasi e mundi xhudisten italiane Odette Giuffrida në finalen e kategorisë deri 52 kilogramë.
Në një përsëritje të finales së Lojërave Olimpike Rio 2016, Kelmendi doli më e mirë se Giuffrida përsëri, duke e fituar medaljen e saj të shtatë grand slam në karrierë.
Në vitin 2016, 28-vjeçarja shkroi historinë në Brazil, duke u bërë atletja e parë që ia fiton Kosovës një medalje olimpike.
Pas këtij triumfi, xhudistja nga Peja tha se është duke punuar zellshëm për ta fituar përsëri medaljen e artë në Lojërat Olimpike e vitit të ardhshëm në Japoni.
“Nuk është e lehtë, por unë po përpiqem dhe po punoj vërtet shumë për ta mbrojtur titullin dhe për ta shkruar përsëri historinë për vendin tim”, tha Majlinda.
