Premierliga
Magurie injoron yjet e Premier League, zbulon lojtarin që e ka vënë më shumë në vështirësi
Harry Maguire ka dhënë një përgjigje interesante kur është pyetur se kush ishte kundërshtari më i vështirë me të cilin është përballur në karrierën e tij.
30-vjeçari është përballur me disa nga më të mirët në futboll, kryesisht për shkak se ka luajtur në Premier League për vite me radhë.
Që nga koha e tij në Leicester, Maguire është përballur me legjendat moderne të futbollit, duke përfshirë Eden Hazard, Harry Kane, Kevin de Bruyne dhe Sergio Aguero, por një lojtar renditet mbi të gjithë këta emra për sa i përket qendërmbrojtësit.
Në një seancë pyetjesh dhe përgjigjesh të fundit me JD Football, Maguire zbuloi se sulmuesi i Al Hilal, Neymar ishte kundërshtari më i frikshëm me të cilin është përballur.
“Kundërshtari im më i vështirë është Neymar. Jam përballur me të në ndeshjet kundër PSG dhe Brazilit në Wembley. Ai është një kundërshtar i ashpër; i vështirë për t’u mbuluar”, tha ai.
Maguire u përball për herë të parë me Neymar në Champions League kur Manchester United u përball me Paris Saint Germain më 2 dhjetor 2020.
Neymar shënoi dy herë me Djajtë e Kuq që u mposhtën 3-1 në një ndeshje ku mesfushori Fred u ndëshkua me karton të kuq.
Neymar aktualisht është duke u rikuperuar nga një dëmtim në gju që e ka detyruar ta mbyllë sezonin para kohe.
