Kosnett: Amerika s’ka dashur ta ndajë kurrë Kosovën
Ambasadori amerikan në Kosovë, Philip Kosnett, ka thënë se Shtetet e Bashkuara të Amerikës asnjëherë nuk e kanë inkurajuar në mënyrë aktive ndryshimin e kufijve apo ndarjen.
Gjatë një interviste për “KoSSeV”, Kosnetti ka thënë se marrëveshja Kosovë-Serbi nuk duhet të jetë e pranueshme për disa politikanë, por për popujt e të dyja vendeve”.
I pyetur nëse disa zyrtarë të Kosovës ishin të ftuar të merrnin pjesë në konferenca në SHBA për shkak të vendimit për vendosjen e tarifës, Kosnetti u përgjigj se mund të ketë pasur individë që ishin të ftuar të merrnin pjesë në konferenca, “sepse menduam se kishte njerëz nga vendet e tjera që ata mund të kontribuonin më shumë në një diskutim të veçantë. “
“Ne kemi thënë se nëse Kosova dhe Serbia bien dakord për një zgjidhje gjithëpërfshirëse, përfshirë edhe rregullimin e kufijve, ne nuk do ta refuzonim atë, por është e rëndësishme që shikuesit tuaj ta dinë se SHBA-ja asnjëherë nuk ka inkurajuar në mënyrë aktive ndryshimin e kufijve, ndarjen, siç e kanë quajtur disa”, tha ai.
Ndërsa lidhur me deklaratat e fundit të krerëve serbë e kosovarë për Masakrën e Reçakut, ambasadori amerikan ka thënë se duhet të kenë kujdes rreth kriminalizimit të të folurit, “njerëzit nga komuniteti i shumicës të cilët kanë pasur deklarata nxitëse nuk ishin akuzuar”.
Kosnetti në këtë intervistë ka folur edhe për kreun e Lëvizjes Vetëvendosje, i cili tha se ai duhej të bindte njerëzit se ai kishte për qëllim të ishte kryeministër i të gjithë njerëzve, në Kosovë.
“Unë jam takuar me Kurtin shumë herë. Dhe mendoj se ai plotësisht ka ndërmend të jetë një drejtues që mendon për nevojat e të gjithëve në vend. Unë mendoj se është koha që të fillojmë ta tregojmë atë. Kurti duhet të fillojë të udhëtojë në vend dhe të takojë njerëz nga të gjitha komunitetet, jo vetëm udhëheqësit politikë, por edhe qytetarët e thjeshtë “, shtoi Kosnetti.
Ai gjithashtu foli për dialogun Beograd-Prishtinë, duke theksuar se qeveritë duhet të negociojnë pa parakushte dhe duhet të “diskutojnë çfarë të dëshirojnë në tryezën e bisedimeve”.
