Kështu u vra sulmuesi i Moskës: Ishte fshehur pas një shtylle, specialët rus e mposhtën – VIDEO e rëndë
Të shtënat në Moskë të enjten mbrëma mund të kenë qenë planifikuar që të konicidojnë me fjalimin e presidentit rus, Vlladimir Putin që po e mbante për të shënuar ditën ruse të shërbimit të sigurisë (FSB), i ka thënë Reutersit një burim i afërt me FSB-në.
Hetuesit rusë kanë hapur procedurat penale në lidhje me tentim-vrasjen e oficerëve të zbatimit të ligjit pas incidentit, ku mbetën të lënduar rëndë dy punonjës të FSB-së, ka raportuar agjencia ruse e lajmeve “Interfax” duke cituar ministrinë e shëndetësisë, raporton Reutersi.
Ndërkaq, “Interfax-i” ka raportuar se nga ky incident kanë mbetur të plagosur pesë persona.
Një punonjës i FSB-së është vrarë në këtë sulm, i cili ndodhi në një distancë pesë minutëshe në këmbë nga Kremlini, ku presidenti rus Putin po mbante një fjalim, shkruan Ballkani.info.
Një burim i ka thënë Reutersit se është dëgjuar një shpërthim afër selisë së FSB-së.
Kurse televizioni rus “RT”, ka thënë se Shërbimet Inteligjente ruse e kanë kualifikuar incidentin e armatosur si “akt terrorizmi”.
Një person që shtiu me armë zjarri në Moskën qendrore afër ndërtesës së FSB-së është “neutralizuar” dhe tani po bëhet identifikimi i tij, kanë thënë zyrtarë të sigurisë për INTERFAX-in.
Një dëshmitar i rastit ka kapur momentin e vrasjes së sulmuesit. Në vendin e ngjarjes është gjetur edhe një çantë ushtarake. /Ballkani.info/
