Granit Xhaka reagon në rrjetet sociale pas eliminimit të Zvicrës nga “Katar 2022”
Kapiteni i Përfaqësueses së Zvicrës, Granit Xhaka ka reaguar në rrjetet sociale pak ditë pas eliminimit nga Kupa e Botës “Katar 2022”.
Zvicra u eliminua në fazën e eliminimit direkt pas humbjes nga Portugalia me rezultat të thellë 6:1.
Disa ditë pas kësaj humbje, futbollisti nga Kosova, Xhaka ka shfrytëzuar profilin e tij privat në “Instagram” për të bërë një reagim.
Ylli i Arsenalit ka falënderuar të gjithë për mbështetjen teksa shton se do të rikthehen edhe më të fortë.
“Ndonjëherë futbolli dhemb. Vërtetë për të ardhur keq që Kupa jonë e Botës përfundoi ashtu siç përfundoi”.
“Por dua t’ju falënderoj të gjithëve për mbështetjen tuaj gjatë turneut – kjo do të thotë vërtet shumë për ne”. “Do të japim gjithçka për t’u rikthyer më të fortë, Përfaqësuesja e Zvicrës”, ka shkruar Xhaka.
