Joris Gnagnon i Sevillës i ka kërkuar falje publikisht talentit të Liverpoolit, Yasser Larouci, për ndërhyrjen horror ndaj tij në një ndeshje miqësore të dielën në SHBA.

18-vjeçari u bart me barelë jashtë fushës rreth një çerek lojë para fundit në humbjen e Liverpoolit 2-1 ndaj Sevillës, ndërsa trajneri Jorgen Klopp tha se adoleshenti ishte me fat që nuk pësoi dëmtim më të rëndë.

Sevilla FC are a disgraceful, talentless bunch of hacks. Their approach to this game is appalling to say the least. They deserve a steep punishment for their performance today. https://t.co/vD8qORXTcd

— Owen🇩🇪🇨🇦 (@LFCOwen96) July 22, 2019

Gnagnon u përjashtua direkt me karton të kuq për ndërhyrjen e tmerrshme ndaj Laroucit.

Pas ndeshjes, Gnagnon zgjodhi rrjetet sociale për të kërkuar falje publike për ndërhyrjen e ashpër.

“Dua t’iu kërkoj falje publikisht klubit të Liverpoolit, familjes së lojtarit dhe përkrahësve të tyre. Ky akt urrejtës nga ana ime, për çfarëdo arsye, nuk duhet të shihet në fushën e futbollit. Lutem për lojtarin dhe familjen e tij”, shkroi Gnagnon në Twitter.