Ish- Komandanti

Flet avokati i Remzi Shalës: Klienti im u kidnapua para një jave nga persona të panjohur

Remzi Shala, i ftuar nga Gjykata Speciale nuk është në shtëpinë e tij.

Avokati Natal Bullakaj, thotë se para një jave është njoftuar se klienti i tij Remzi Shala, ishte kidnapuar nga persona të panjohur.

“Kuptuam se ai ishte marrë nga zyrtarët e EULEX-it, të veshur me rroba civile. Pastaj e kanë dërguan në një restorant ku i kanë dorëzuar ftesën për t’u paraqitur në cilësinë e të dyshuarit”.

Bullakaj në RTV Dukagjini ka thënë se atë ditë ai ka komunikuar me klientin e tij, Remzi Shala, i cili i ka thënë se nuk është i gatshëm për t’u paraqitur para Gjykatës Speciale.

“Më ka thënë se askujt keq nuk i kam bërë dhe nuk kanë arsye pse të më marrin”, tha ai.

Avokati i Remzi Shalës ka thënë se klienti i tij është njoftuar se nuk është i qasshëm.

“Jam njoftuar edhe nga nipi i tij, i cili e ka përcjellë vazhdimisht edhe në një proces tjetër, se Remzi Shala e ka mbyllur edhe telefonin dhe nuk gjendet në Kosovë. Familjarët kanë thënë se nuk dimë për vendndodhjen e tij”, tha avokati i Remzi Shalës, i ftuar nga Gjykata Speciale.

Ballkani.info ka raportuar ekskluzivisht ditën e djeshme për ftesën që ish- Komandanti Shala është ftuar nga Gjykata Speciale për intervistim.

https://ballkani.info/ish-komandanti-i-njesise-speciale-remiz-shala-ftohet-nga-gjykata-speciale/