Ylli kosovar
Edon Zhegrova shkëlqen në derbi me dy gola, Lille merr fitore të rëndësishme
Lille u rikthye sonte te fitorja në Ligue 1, duke triumfuar në derbin ndaj rivalit lokal, Lens.
Skuadra e drejtuar nga Paulo Fonseca fitoi në shtëpi me rezultatin 2:1. Ndeshja i takoi javës së 27-të në Ligue 1.
Padyshim se më meritori në këtë fitore ishte Edon Zhegrova, i cili shënoi të dy golat e fitores.
Ylli kosovar golat i realizoi në minutat 9 dhe 60, teksa luajti për 76 minuta në këtë takim.
Për Zhegrovën ishte ky goli i tij i dytë sonte, si dhe i pesti në Ligue 1, krahas edhe pesë asistimeve.
Ndërkaq, golin e vetëm për skuadrën mysafire e realizoi Elye Wahi, në minutën e 78-të.
Për Lille padyshim se këto tri pikë janë shumë të rëndëishme në garën e tyre për një vend në top-katërshe.
Lille tani ka 46 pikë dhe momentalisht mban pozitën e tretë në tabelë.
Lens ndodhet në pozitën e gjashtë me 42 pikë.
