Paris Saint Germain
Dembele bën një krahasim banal mes PSG-së dhe Barcelonës: Janë të njëjta
Ousmane Dembele u largua nga Barcelona në verën e vitit 2023 për tu rikthyer në Ligue 1 ku ka nënshkruar me Paris Saint Germain.
Sulmuesi anësorë francez ka dhënë së fundmi një intervistë ku ka thënë se PSG është një klub po aq i madh sa Barcelona.
“Barcelona është një klub shumë i madh, ne e dimë këtë”, tha fillimisht sulmuesi francez.
“Por PSG është gjithashtu një klub i madh, unë e shoh atë brenda dhe jashtë fushës. Kur shkoni në qytet, ju njiheni menjëherë”.
“Sinqerisht, përveç motit, për mua nuk ka ndonjë ndryshim të madh. E njëjta gjë për stadiumin: Camp Nou është i madh dhe plot histori. Por në Parc des Princes, atmosfera e jashtëzakonshme, në çdo ndeshje, publiku na mbështet”, tha Dembele.
Krahasimi i Dembeles është i kuptueshëm pasi aktualisht është në kontratë me kampionin francez, megjithatë, historikisht ka një dallim të qartë mes të dy klubeve.
Barça është një nga klubet më të trofeshme në Evropë me 14 tituj evropianë, duke përfshirë pesë Liga të Kampionëve, për dallim nga PSG që nuk e ka fituar asnjëherë trofeun më të vlefshëm evropian për klube. /Telegrafi/
