Ivica Daçiq
Daçiq e quan “arritje të madhe” seancën në Këshill të Sigurimit “për vetë faktin” që u thirr në bazë të Rezolutës 12/44
Ministri i Punëve të Jashtme i Serbisë, Ivica Daçiq, në një intervistë për “Kurir” vetë thirrjen, pranimin për seancë të veçantë për dinarin serb në Këshill të Sigurimit të Kombeve të Bashkuara, e ka quajtur “të arritur të rëndësishme” bashkërisht me atë që seanca është pranuar të jetë e hapur për publikun.
“Serbia arriti disa gjëra të rëndësishme, e në rend të parë, që na u pranua thirrja për seancë emergjente në Këshill të Sigurimit, pastaj që arritëm të sigurojmë që seanca të ishte e hapur për publikun, dhe më në fund, fjalimi më bindës i Aleksandar Vuçiqit i argumentuar për situatën në Kosovës, që s’mund ta përgënjeshtrojë askush. Serbia dëshmoi që është e respektuar në arenën ndërkombëtare, dhe që pikëpamjet tona kanë rezonancë të madhe dhe respektohen, edhe nga ata që mbështesin Prishtinën më së shumti”, ka thënë Ivica Daçiq.
Daçiq vazhdoi këtë linjë argumentimi duke thënë se “vetë fakti” që kjo seancë u thirr në bazë të Rezolutës 12/44 për Serbinë përbën “sukses”; ngase, siç vazhdoi ai, “është dokumenti më i rëndësishëm ndërkombëtar rreth Kosovës”.
“Këmbëngulja jonë për mbajtjen e një seance urgjente për Kosovën kishte për qëllim gjithashtu t’i kujtonte të gjithëve këtë fakt – se Rezoluta 1244 është themeli mbi të cilin duhet të bazohen të gjitha vendimet e ardhshme. Kjo është politika jonë parimore dhe askush nuk mund ta kundërshtojë këtë”, ka shtuar ai.
“Nga 193 anëtarët e OKB-së, vetëm 84 e njohin Kosovën, dhe 109 nuk e njohin. Tashmë kemi një shumicë bindëse të anëtarëve në OKB që nuk e njohin Kosovën. Është gjithashtu shumë e rëndësishme për numrin më të madh të vendeve në OKB që Kosova të diskutohen në OKB, sepse ata kujdesen për respektimin e së drejtës ndërkombëtare, ashtu siç është e rëndësishme për Serbinë. Dhe në këtë kuptim, kjo seancë e Këshillit të Sigurimit dha një erë prapa qëndrimeve tona, sepse ne treguam se vendimi për Kosovën duhet të merret në bazë të të drejtave, e jo në bazë të forcës së dikujt politik dhe ushtarak. Ata që e njohin Kosovën nuk janë të kënaqur me këtë, por nuk mund të pengojnë që Kosova të flitet në gjuhën e fakteve”, ka vazhduar ai.
VIDEO BONUS: Kurti për raportimet për tentim-atentat: Ka shumë kërcënime nga strukturat të Serbisë
