Bajram Begaj
Begaj për vdekjen e Kadaresë: Shqipëria dhe shqiptarët humbën sot gjeniun e tyre të letrave
Presidenti i Shqipërisë, Bajram Begaj, ka shkruar për vdekjen e shkrimtarit të madh shqiptar, Ismail Kadare.
Begaj ka thënë se Shqipëria dhe shqiptarët humbën gjeniun e letrave.
“Shqipëria dhe shqiptarët humbën sot gjeniun e tyre të letrave, emancipuesin e tyre shpirtëror, Ballkani poetin e miteve të tij, Evropa dhe bota ndër përfaqësuesit më të spikatur të letërsisë moderne.”
“Të qoftë e lehtë lëndina në panteonin e përjetësisë, Kolosi ynë i mendimit dhe i penës!” – ka shkruar ai.
Kadare ka vdekur sot në mëngjes në moshën 88-vjeçare.
