Në përjashtim të sfidës ndërmjet Atalantës dhe Villarrealit e cila u shty për ditën e nesërme për shkak të reshjeve të mëdha të borës në Itali, tashmë kanë përfunduar të gjitha sfidat tjera të Ligës së Kampionëve nga grupet E,F,G dhe H.

Barcelona është përshëndetur nga Liga e Kampionëve pasi është mposhtur sërish nga Bayerni në “Alianz Arena” me rezultat 3-0 dhe kështu ka mbetur në vendin e tretë në grupin E me shtatë pikë.

Golat për Bayernin i realizuan Muller, Sane dhe Musiala, ndërkohë që katalanasit nuk u treguan asnjëherë të rrezikshëm para portës kundërshtare.

Në ndeshjen tjetër të këtij grupi, Benfika e ka mposhtur me rezultat 2-0 Dinamo Kievin duke shkuar në kuotën e tetë pikëve në vendin e dytë, 10 më pakë se Bayerni i vendit të parë.

Manchester United ka barazuar Young Boys me rezultat 1-1 duke e siguruar kështu kalimin në fazën e eliminimit direkt të kësaj gare si lider i grupit F. Pikërisht në grupin F bëjnë pjesë edhe Atalanta dhe Villarreali, ndeshje kjo e cila zhvillohet nesër me fillim nga ora 16:30.

Rezultate e ndeshjeve të tjera ishin këto:

Salsburg-Sevilla 1-0

Wolfsburg-Lille 1-3