Arrestohen 5 tifozë të Napolit në Liverpool, pas përleshjeve me policinë
Pesë përkrahës të Napolit janë arrestuar në Merseyside, para ndeshjes së skuadrës së tyre kundër Liverpoolit, për shkak të përleshjeve me policinë vendore.
Policia britanike ka njoftuar se pesë tifozë u arrestuan para dhe gjatë ndeshjes së mes dy ekipeve të para në Grupin E në Ligën e Kampionëve.
“Oficerët policorë në detyrë për ndeshjen LFC vs Napoli në CL i kanë arrestuar pesë tifozë të Napolit”, thuhet në njoftimin e policisë britanike.
Mediat britanike raportuan se tifozët e Napolit i kishin mbajtur në dorë si armë rripat e tyre, duke kërkuar telashe.
“Ata silleshin vërdallë afër tifozëve vendorë, me rripa jashtë dhe duke kërkuar telashe”, ka thënë një tifoz i Liverpoolit për mediat britanike.
