“Anglia më e forta në botë sipas meje, jemi të lumtur që luajmë me ta”

Një ditë para ndeshjes, përzgjedhësi i Kosovës, Bernard Challandes është paraqitur në konferencën për shtyp, ku ka folur për ndeshjen me Anglinë.

Challandesi e konsideron Anglinë si një nga kombëtaret më të forta në botë.

“Ne jemi Kosova dhe do të luajmë kundër njërës prej Kombëtareve më të mira në botë. Për mua është më e mira. E kam parë ndeshjen e fundit të tyre, dhe do të jetë e vështirë për ne”.

“Kjo tregon forcën e tyre para ndeshjes së nesërme. Nëse them se kemi ardhur për fitore, njerëzit mund të mendojnë se kjo nuk është në rregull”.

“Do të jetë e vështirë kjo ndeshje për skuadrën time, por ta shohim nivelin e skuadrës sonë në Evropë”.

“Kur u hodh shorti të gjithë mendonin se Kosova nuk mund të luftojë për vendet e para, por tani jemi duke luftuar për vendet e para”.

“Do të shohim nesër se çfarë mund të bëjmë. Jemi të kënaqur që luajmë ndaj Anglisë” ka thënë Challandes.