Shoqëria Demokratike Ruse (RDD) njoftoi se bashkëthemeluesit të saj Vladimir Volokhonsky iu dha një vendim nga policia për të huajt që refuzonte kërkesën e tij për të zgjatur qëndrimin e përkohshëm në Serbi, dhe Volokhonsky është një tjetër në një seri aktivistësh rusë që janë larguar nga ndërhyrja e BIA-s pas ardhjes sw Aleksandar Vulinit në krye të agjencisë serbe të spiunazhit.

Avokati Borivoje Boroviq beson se Parlamenti duhet të shkarkojë urgjentisht Vulinin.

Në vetëm pak muaj që kur Aleksandar Vulin ka qenë në krye të BIA-s, edhe disa aktivistë rusë, kryesisht ata që kundërshtojnë luftën, janë gjetur, për ta thënë më butë, në një situatë të sikletshme. Së pari, aktivistit rus kundër luftës, Petar Nikitin, iu ndalua hyrja në Serbi, pa asnjë shpjegim. Nikitin kaloi 40 orë në aeroport dhe është një nga organizatorët e tubimit kundër luftës “Rusët, ukrainasit, bjellorusët dhe serbët kundër luftës”, ku protestojnë kundër agresionit rus kundër Ukrainës dhe kundër luftës në përgjithësi.

Nikitin fajësoi Vulinin për ndalimin, duke thënë se vendimi për ndalimin e hyrjes nuk kishte të bënte me policinë serbe por me BIA-n dhe Vulinin, i cili ka lidhje me regjimin e Putinit.

“Kur filluam me mitingjet kundër luftës, problemet u intensifikuan. Që në fillim inspektorët e policisë për të huajt kanë filluar të dalin nëpër tubime dhe të regjistrojnë persona. Kjo ishte mirë me mua, por ndodhi që dy nga bashkatdhetarët e mi, të cilët janë edhe aktivistë kundër luftës, të kenë probleme. Njërit i është refuzuar qëndrimi, ndërsa një tjetri i është mohuar shtetësia edhe pse i plotëson të gjitha kushtet. BIA e ka thirrur një person në bisedë informative dhe më vonë kam marrë vesh se kanë pyetur për mua, edhe pse BIA nuk më ka thirrur në atë kohë”, tha ai atëherë për Nova.

I fundit në serinë e aktivistëve rusë është Vladimir Volokhonski, të cilit i është dorëzuar një vendim që refuzon kërkesën e tij për të zgjatur qëndrimin në Serbi. Kjo u vendos pasi, sipas Agjencisë së Sigurisë dhe Informacionit, qëndrimi i tij në territorin e Serbisë përbën rrezik të papranueshëm për sigurinë.

Në një intervistë për Nova.rs, avokati Borivoje Boroviq thekson se kjo sjellje e drejtorit të Agjencisë për Siguri dhe Informacion është turp për Serbinë dhe se Aleksandar Vulin duhet të shkarkohet urgjentisht nga Kuvendi.

“Së pari më duhet të them se është shumë i paaftë për të bërë punën që është caktuar. Nën një, është dikush që më parë ka qenë flamurtari i JUL-it (ish partia e bashkëshortes së Millosheviqit), një njeri që nuk mund ta fshijë atë periudhë nga mendja. Nën dy, ai është një pasardhës i zakonshëm i Aleksandër Vuçiqit dhe nuk e ka qëndrimin e tij për rusët, çështjen ruse dhe Putinin, por i plotëson qëndrimet e Vuçiqit”, thotë avokati i shquar Boroviq dhe shton:

“Sa i përket persekutimit të opozitës ruse, kemi një situatë ku BIA po persekuton edhe opozitën serbe, kështu që, për fat të keq, kjo nuk është asgjë e çuditshme. E gjithë puna e BIA-s zbret në përgjimin e opozitës, politikanëve, avokatëve, gazetarëve që mendojnë lirshëm… Çdo gjë që bën Vulin, e bën sipas detyrës”.

Boroviq gjithashtu thekson se asociacionet ndërkombëtare duhet të reagojnë ndaj këtyre rasteve.

Për kujtim, Aleksandar Vulin është në krye të Agjencisë së Sigurisë dhe Informacionit (BIA) që nga dhjetori i vitit të kaluar. Para kësaj ai ka qenë ministër i Policisë dhe mandati i tij do të mbetet i shënuar me tentativën për miratimin e Ligjit të ri për Policinë, i cili do të cenonte ndjeshëm të drejtat e njeriut.

Vulin së fundmi ka qenë nën sanksionet e Shteteve të Bashkuara të Amerikës (SHBA). Zyra e Departamentit të Thesarit të SHBA për Kontrollin e Pasurive të Huaja (OFAC) dyshon se ai është i përfshirë në praktika korruptive, kryesisht në përhapjen e ndikimit malinj rus në Serbi.

Sipas raportit, Vulin është i përfshirë në krimin e organizuar ndërkombëtar, trafik droge dhe abuzim me postet publike.