Hajnat e xhamive në aksion: Qe dy ditë janë duke u thyer kasafortat e xhamive në Gjilan
Qe dy ditë janë duke u thyer kasafortat e xhamive në Gjilan, para ato që janë mbledhur për familjet në nevojë.
Policie e Kosovës njofton se persona të panjohur pasmesnatës së të enjtes kishin hyrë me forcë në Xhaminë e Medresesë ku kanë vjedhur paratë e mbledhura për personat në nevojë.
Nga policia thonë se janë duke e hetuar rastin dhe se kryesit e vjedhjes janë ende të panjohur për ta.
“Është raportuar se gjatë natës persona ende të panjohur me përdorim force kishin hyrë në Xhaminë e Medresesë ku nga kasaforta kishin vjedhur paratë të cilat ishin grumbulluar për personat në nevojë. Në vendin e ngjarjes kanë dalë njësitë policore dhe janë duke hetuar rastin”, thuhet në raportin 24 orësh.
Po ashtu gjatë ditës së djeshme në xhaminë e fshatit Ponesh janë vjedhur paratë e grumbulluara për personat në nevojë.
Raportohet se hajnat kishin hyrë me forcë në xhami rreth orës 15:00.
“Është raportuar se persona të panjohur me përdorim force kishin hyrë në Xhaminë e fshatit ku nga kasaforta kishin vjedhur paratë të cilat ishin grumbulluar për personat në nevojë. Në vendin e ngjarjes kanë dalë njësitë policore dhe janë duke hetuar rastin”, bëhet e ditur në raportin 24 orësh të Policisë së Kosovës.
