Edhe një tjetër fëmijë i humbur gjendet, shkaku i kampanjës së Romës
Një djalosh nga Kenia, i cili ishte pjesë e kampanjës së Romës në rrjete sociale për gjendjen e fëmijëve të humbur, është gjetur dhe është kthyer te familja e vet.
Fotografia e një djaloshi 13-vjeçari u vendos në Twitter afër përkrah asaj të Henrikh Mkhitaryan, kur mesfushori armen e siguroi transferimin e tij në formë huazimi nga Arsenali.
Ky lajm vjen pasi edhe një vajzë nga Londra u gjet, pasi u shfaq afër transferimit tjetër të Romës, mbrojtësit Mert Cetin.
Roma e kishte nisur këtë kampanjë në korrik.
Mesfushori armen Mkhitaryan, 30-vjeçar, iu bashkua Romës në formë huazimi pas 18-muajve zhgënjyes në stadiumin “Emirates”.
Ai shënoi në debutimin e tij në Serie A, duke i ndihmuar Romës ta mposhtë Sassuolon me rezultat 4-2 – të njëjtën ditë që edhe djaloshi nga Kenia u gjet.
🛑Brilliant news!
A 13-year-old Kenyan boy featured in the #ASRoma announcement video for @HenrikhMkh has been found safe & reunited with his family.
The club partnered with the amazing @missingchild_ke in July to raise awareness about cases of children missing in Kenya🛑 pic.twitter.com/MMQExRGj5a
— AS Roma English (@ASRomaEN) September 16, 2019
Tri-herë kampionia e Italisë po bashkëpunon me dy shoqata që merren me gjetjen e fëmijëve të humbur – Qendrën Kombëtare në SHBA për Fëmijë të Humbur dhe të Rrezikuar dhe Telefono Azzurron – si pjesë i iniciativës të kësaj vere.
Kjo kampanjë u frymëzua nga videoja e Soul Asylum për këngën e tyre “Runaway Train” në vitin 1992, ku u shfaqën fytyrat dhe emrat e shumë fëmijëve të humbur, si dhe me fotografitë e printuara nëpër paketimet e qumështit në SHBA gjatë viteve 1980 dhe 1990.
Kur filloi kjo kampanjë, drejtori strategjik i Romës, Paul Rogers, tha: “Ne duam ta përdorim natyrën virale të njoftimeve për transferimin e lojtarëve për t’u ndihmuar fëmijëve të humbur”.