Aurela Gaçe “tregon dhëmbët” në ringun e boksit me sparring partnerin
Aurela Gaçe njihet për muzikën e mirëfilltë shqipe që sjell ndër vite për fansat dhe publikun e gjerë.
Këngëtarja ka kohë që nuk ka sjell ndonjë video projekt të ri muzikor, por vazhdon të jetë aktive në rrjetet sociale teksa sjell imazhe dhe video të ndryshme.
Artistja duket se është edhe një sportiste e vërtetë bazuar në videot e publikuara së fundi në llogarinë personale në Instagram.
Megjithëse 45-vjeçare ajo shfaqet duke ushtruar në boks sikur te ishte një boksiere profesioniste teksa ushtron në rin me sparring partnerin.
“Mos më pyesni më se ku e gjej energjinë . Nëse besoni se zoti krijoi gjithësinë, na krijoi ne si qenie që në bark të nënës me zemër qe rreh si zog, nëse krijoi lumenjtë e detet, atëherë s’ka më arsye të më pyesni se kur ta jep ai lart, ta jep dhe e falënderoj çdo ditë”, ka shkruar ajo.
Ndryshe, Aurela ka paralajmëruar se do të mbajë disa koncerte muzikore gjatë verës dhe do sjell një këngë të re në muajt e ardhshëm.
