Pas largimit të Artim Pollozhanit skuadra e Ballkanit menjëherë ka gjetur zëvendësin e tij. Fjala është për trajnerin Oges Shehu që sot është zyrtarizuar në bankinën e kampionit aktual të Kosovës.

Ballkani nuk po kalon momente të mira, madje mesjavën që e lamë pas u eliminua edhe nga Kupa e Kosovës, që detyrojë drejtuesit e klubit të ndërhyjnë në bankinë duke e zëvendësuar trajnerin.

Postimi i plotë i FC Ballkanit:

Mirësevjen Orges Shehi! 🧡

Me kënaqësi ju njoftojmë emërimin e trajnerit të ri të skuadrës, Orges Shehi.

Shehi, një emër i njohur në futbollin shqiptar, sjell me vete përvojë të jashtëzakonshme dhe një vizion të qartë për të çuar përpara sukseset e klubit tonë.

FC Ballkani, kampion i Kosovës për tre vite radhazi, mbetet i përkushtuar për të vazhduar traditën e arritjeve dhe për të ngritur standardet e futbollit në vend. Besojmë se me lidershipin dhe aftësitë e Orges Shehit, skuadra jonë do të vazhdojë të shkruajë histori në fushën e lojës.

I mirëpresim Orges Shehin dhe stafin e tij në familjen tonë të madhe të FC Ballkanit dhe i urojmë suksese të shumta në këtë kapitull të ri!

Forca Ballkani! 🟠⚫

#FCBallkani